by Nostradamus
Out temples & sects shall change his game :
His bark shall be far louder than his bite,
All ears tethered to his tongue’s golden chains.
1.97
What neither fire nor iron could achieve,
Smooth tongue in council shall bring to pass :
A dream shall come to the King in his sleep :
Now his longtime enemy bleeds its last.
1.98
The chief who shall have led armies of men
Far from homes, foreign of custom & speech :
Thessaly, Crete, five thousand of them dead,
Chief fleeing, saved in a grange by the sea.
1.99
The great monarch who shall keep company
With two kings united by amity :
O what a sigh his mighty host shall heave :
For the children of Narbonne, what pity!
1.100
For days on end a gray bird shall be seen
In the skies of Tuscany & near Dole,
Holding in its beak a fresh branch of green :
The lord shall soon die & then no more war.
__________
CENTURIE I
1.1
Estant assis de nuict secret estude
Seul reposé sus la selle d’ærain :
Flambe exigue sortant de solitude,
Fait proferer qui n’est à croire vain.
1.2
La verge en main mise au milieu de BRANCHES,
De l’onde il moulle & le limbe & le pied :
Vapeur & voix fremissent par les manches :
Splendeur divine. Le divin près s’assied.
1.3
Quand la lictiere du tourbillon versée,
Et seront faces de leurs manteaux couvers :
La republique par gens nouveaux vexée,
Lors blancs & rouges jugeront à l’envers.
1.4
Par l’univers sera faict un monarque,
Qu’en paix & vie ne sera longuement :
Lors se perdra la piscature barque,
Sera regie en plus grand detriment.
1.5
Chassés seront sans faire long combat,
Par le pays seront plus fort grevés :
Bourg & cité auront plus grand debat,
Carcas. Narbonne auront cœurs esprouvés.
1.6
L’œil de Ravenne sera destitué,
Quand à ses piedz les ælles failliront :
Les deux de Bresse auront constitué,
Turin, Verseil que Gaulois fouleront.
1.7
Tard arrivé l’execution faicte,
Le vent contraire lettres au chemin prinses :
Les conjurez xiiij. d’une secte :
Par le Rousseau senez les entreprinses.
1.8
Combien de foys prinse cité solaire
Seras changeant les loys barbares & vaines :
Ton mal s’approche. Plus seras tributaire,
La grand Hadrie reovrira tes veines.
1.9
De l’Orient viendra le cœur Punique
Facher Hadrie & les hoirs Romulides
Accompagné de la classe Libyque
Trembler Mellites & proches isles vuides.
1.10
Serpens transmis dans la caige de fer,
Où les enfans septains du roy sont pris :
Les vieux & peres sortiront de l’enfer,
Ains mourir voir de son fruict mort & crys.
1.11
Le mouvement de sens, cœur, piedz, & mains,
Seront d’accord. Naples, Leon. Sicille :
Glaifves, feux, eaux ; aux puis nobles Romains,
Plongés, tués, mors par cerveau debile.
1.12
Dans peu dira faulce brute fragile,
De bas en hault eslevé promptement :
Puis en instant desloyale & labile,
Qui de Veronne aura gouvernement.
1.13
Les exilez par ire, haine intestine,
Feront au Roy grand conjuration :
Secret mettront ennemis par la mine,
Et ses vieux siens contre eux seditions.
1.14
De gent esclave chansons, chantz & requestes,
Captifs par Prince, & Seigneur aux prisons :
A l’advenir par idiotz sans testes,
Seront receuz par divins oraisons.
1.15
Mars nous menasse par sa force bellique,
Septante foys fera le sang espandre :
Auge & ruyne de l’Ecclesiastique,
Et plus ceux qui d’eux rien voudront entendre.
1.16
Faulx à l’estaing joinct vers le Sagitaire,
En son hault AUGE de l’exaltation :
Peste, famine, mort de main militaire,
Le siecle approche de renovation.
1.17
Par quarante ans l’Iris n’aparoistra,
Par quarante ans tous les jours sera veu :
La terre aride en siccité croistra,
Et grans deluges quand sera aperceu.
1.18
Par la discorde negligence Gauloise,
Sera passaige à Mahommet ouvert :
De sang trempé la terre & mer Senoise,
Le port Phocen de voilles & nefz couvert.
1.19
Lors que serpens viendront circuir l’are,
Le sang Troyen vexé par les Espaignes :
Par eulx grand nombre en sera faicte tare :
Chef fuyct, caché aux mares dans les saignes.
1.20
Tours, Orleans, Bloys, Angiers, Reims, & Nantes,
Cités vexées par subit changement :
Par langue estrange seront tendues tentes,
Fleuves d’arenes, terre & mer tremblement.
1.21
Profonde argille blanche nourrir rochier,
Qui d’un abisme istra lacticineuse :
En vain troublez ne l’oseront toucher,
Ignorans estre au fond terre argilleuse.
1.22
Ce que vivra & n’ayant aucun sens,
Viendra leser à mort son artifice :
Austun, Chalon, Langres & les deux Sens,
La gesle & glace fera grand malefice.
1.23
Au moys troisiesme se levant le Soleil,
Sanglier, Liepard, au champ Mars pour combattre :
Liepard lassé, au ciel extend son œil,
Un Aigle autour du Soleil voit s’esbatre.
1.24
A cité neufve pensif pour condemner,
L’oisel de proye au ciel se vient offrir :
Après victoire à captifz pardonner,
Cremo. & Mant. grans maulx aura à souffrir.
1.25
Perdu trouvé, caché de si long siecle,
Sera pasteur demy Dieu honoré:
Ains que la Lune acheve son grand cycle,
Par autres veux sera deshonoré.
1.26
Le grand du fouldre tumbe d’heure diurne,
Mal est predict par porteur postulaire :
Suivant presaige tumbe d’heure nocturne,
Conflit Reims, Londres, Etrusque pestifere.
1.27
Dessouz le chaine Guien du ciel frappé,
Non loing de là est caché le tresor
Qui par longs siecles avoit esté grappé:
Trouvé mourra, l’œil crevé de ressort.
1.28
La tour de Bouq gaindra fuste Barbare,
Un temps, long temps après barque hesperique :
Bestail, gens, meubles tous deux feront grant tare,
Taurus et Libra quelle mortelle picque !
1.29
Quand le poisson terrestre & aquatique,
Par forte vague au gravier sera mis,
Sa forme estrange suate & horrifique,
Par mer aux murs bien tost les ennemis.
1.30
La nef estrange par le
tourment marin,
Abourdera près de port incongneu :
Nonobstant signes de rameau palmerin,
Après mort, pille : bon avis tard venu.
1.31
Tant d’ans les guerres en Gaule dureront,
Oultre la course du Castulon monarque :
Victoire incerte trois grands couronneront,
Aigle, coq, lune, lyon, soleil en marque.
1.32
Le grand empire sera tost translaté,
En lieu petit, qui bien tost viendra croistre :
Lieu bien infime d’exiguë comté,
Où au milieu viendra poser son sceptre.
1.33
Près d’un grand pont, de plaine spatieuse,
Le grand lyon par forces Cesarées
Fera abbatre hors cité rigoureuse :
Par effroy portes luy seront reserées.
1.34
L’oyseau de proye volant à la senestre,
Avant conflict faict aux Françoys pareure :
L’un bon prendra, l’un ambigue sinistre,
La partie foyble teindra par bon augure.
1.35
Le lyon jeune le vieux surmontera,
En champ bellique par singulier duelle :
Dans caige d’or les yeux luy crevera,
Deux classes une, puis mourir, mort cruelle.
1.36
Tard le monarque se viendra repentir,
De n’avoir mis à mort son adversaire :
Mais viendra bien à plus hault consentir,
Que tout son sang par mort fera deffaire.
1.37
Un peu devant que le soleil s’esconse,
Conflict donné grand peuple dubiteux :
Profligés port marin ne faict responce :
Pont & sepulchre en deux estranges lieux.
1.38
Le Sol & l’aigle au victeur paroistront,
Responce vaine au vaincu l’on asseure :
Par cor ne crys harnois n’arresteront
Vindicte, paix par mors s’y achève à l’heure.
1.39
De nuict dans lict le supresme estranglé,
Pour trop avoir subjourné blond esleu :
Par troys l’empire subrogé exanclé,
A mort mettra : carte & paquet ne leu.
1.40
La trombe fausse dissimulant folie,
Fera Bisance un changement de loix :
Hystra d’Egypte qui veut que l’on deslie,
Edict changeant monnoyes & aloys.
1.41
Siege en cité & de nuict assaillie,
Peu eschapés : non loin de mer conflict :
Femme de joye, retours filz defaillie,
Poison & lettres cachées dans le plic.
1.42
Le dix Kalende d’Avril le faict gotique,
Resuscité encor par gens malins :
Le feu estainct, assemblée diabolique,
Cherchant les us Adamant & Pselin.
1.43
Avant qu’advienne le changement d’empire,
Il adviendra un cas bien merveilleux :
Le champ mué, le pillier de porphire
Mis, translaté sus le rocher noilleux.
1.44
En bref seront de retour sacrifices,
Contrevenans seront mys à martire :
Plus ne seront moines, abbés, novices :
Le miel sera beaucoup plus cher que cire.
1.45
Secteur de sectes grand preme au delateur :
Beste en theatre, dressé le jeu scenique :
Du faict antique ennobly l’inventeur :
Par sectes monde confus & schismatique.
1.46
Tout auprés d’Aux, de Lectore & Mirande,
Grand feu du ciel en trois nuictz tumbera :
Cause adviendra bien stupende & mirande,
Bien peu après la terre tremblera.
1.47
Du lac Leman les sermons fascheront,
Des jours seront reduictz par les sepmaines :
Puis moys, puis ans, puis tous deffailliront,
Les magistratz damneront leurs loix vaines.
1.48
Vingt ans du regne de la Lune passés,
Sept mil ans outre tiendra sa monarchie :
Quand le Soleil prendra ses jours lassés,
Lors s’accomplir, miner ma prophetie.
1.49
Beaucoup beaucoup avant telles menées,
Ceux d’Orient par la vertu lunaire
L’an mil sept cens feront grand emmenées,
Subjugant presque le coing Aquilonaire.
1.50
De l’aquatique triplicité naistra,
D’un qui fera le jeudy pour sa feste :
Son bruit, loz, regne, sa puissance croistra,
Par terre & mer aux Oriens tempeste.
1.51
Chef d’Aries, Jupiter, & Saturne,
Dieu eternel quelles mutations !
Puis par long siecle son maling temps retourne :
Gaule, & Itale quelles esmotions !
1.52
Les deux malins de Scorpion conjoincts,
Le grand seigneur meurtry dedans sa salle :
Peste à l’Eglise par le nouveau roy joincts
L’Europe basse & Septentrionale.
1.53
Las qu’on verra grand peuple tourmenté,
Et la Loy saincte en totale ruine
Par autres loix toute Chrestienté,
Quand d’or, d’argent trouvé nouvelle mine.
1.54
Dix revoltz faictz du maling falcigere,
De regne & siecles faict permutation :
De mobil signe à son endroict s’y ingere,
Aux deux egaux & d’inclination.
1.55
Soubz l’opposite climat Babylonique
Grande sera de sang effusion
Que terre & mer, air, ciel sera inique :
Sectes, faim, regnes, pestes, confusion.
1.56
Vous verrés tost & tard faire grand change,
Horreurs extremes, & vindications :
Que si la lune conduicte par son ange,
Le ciel s’approche des inclinations.
1.57
Par grand discord la trombe tremblera
Accord rompu dressant la teste au ciel :
Bouche sanglante dans le sang nagera,
Au sol sa face ointe de laict & miel.
1.58
Tranché le ventre, naistra avec deux testes,
Et quatre bras : quelque an entier vivra :
Jour qui Aquilloye celebrera ses festes,
Fossen, Turin, chef Ferrare suyvra.
1.59
Les exilés deportés dans les isles,
Au changement d’un plus cruel monarque
Seront meurtrys & mis deux des scintiles,
Qui de parler ne seront estés parques.
1.60
Un Empereur naistra près d’Italie,
Qui à l’Empire sera vendu bien cher :
Diront avec quelz gens il se ralie,
Qu’on trouvera moins prince que boucher.
1.61
La republique miserable infelice,
Sera vastée du nouveau magistrat :
Lors grand amas de l’exil malefice,
Fera Sueves ravir leur grand contract.
1.62
La grande perte las que feront les lettres,
Avant le cicle de Latonia parfaict :
Feu, grand deluge, plus par ignares sceptres,
Que de longs siècles ne se verra refaict.
1.63
Les fleaux passés diminué le monde :
Long temps la paix terres inhabitées :
Seur marchera par ciel, terre, mer, onde :
Puis de nouveau les guerres suscitées.
1.64
De nuict soleil penseront avoir veu,
Quand le pourceau demy homme on verra :
Bruict, cha
nt, bataille, au ciel battre aperceu :
Et bestes brutes à parler l’on orra.
1.65
Enfant sans mains jamais veu si grand foudre :
L’enfant royal au jeu d’œsteuf blessé:
Au puy brisé fulgures allant mouldre,
Trois souz les chaines par le milieu troussés.
1.66
Celuy qui lors portera les nouvelles,
Après un peu il viendra respirer.
Viviers, Tournon, Montferrant & Pradelles,
Gresle & tempestes les fera souspirer.
1.67
La grand famine que je sens approcher,
Souvent tourner, puis estre universelle,
Si grande & longue qu’on viendra arracher
Du bois racine & l’enfant de mamelle.
1.68
O quel horrible & malheureux tourment,
Trois innocens qu’on viendra à livrer :
Poyson suspecte, mal garde, tradiment,
Mis en horreur par bourreaux enyvrés.
1.69
La grand montaigne ronde de sept estades,
Après paix, guerre, faim, inondation,
Roulera loin abismant grans contrades,
Mesmes antiques & grand fondation.
1.70
Pluie, faim, guerre en Perse non cessée,
La foy trop grande trahira le monarque :
Par là finie en Gaule commencée,
Secret augure pour à un estre parque.
1.71
La tour marine trois fois prise & reprise,
Par Hespaignolz, Barbares, Ligurins :
Marseille & Aix, Arles par ceux de Pise :
Vast, feu, fer, pille Avignon des Thurins.
1.72
Du tout Marseille des habitans changée,
Course & poursuitte jusques au près de Lyon :
Narbon. Tholoze par Bourdeaux outragée,
Tués captifz presque d’un million.
1.73
