by Nostradamus
Vuydez vuydez de tous les deux costez,
Du sang des rouges sera l’ire assomye,
D’Arimin Prato, Columna debotez.
9.3
La magna vaqua à Ravenne grand trouble,
Conduitz par quinze enserrez à Fornase
A Romme naistre deux monstres à teste double
Sang, feu, deluge, les plus grands à l’espase.
9.4
L’an ensuyvant descouvertz par deluge,
Deux chefs esleuz le premier ne tiendra
De fuyr umbre à l’un d’eux le refuge,
Saccagee case qui premier maintiendra.
9.5
Tiers doit du pied au premier semblera.
A un nouveau monarque de bas hault
Qui Pyse & Lucques Tyran occupera
Du precedant corriger le deffault.
9.6
Par la Guyenne infinité d’Anglois
Occuperont par nom d’Anglaquitaine
De Languedoc Ispalme Bourdeloys.
Qu’ilz nommeront apres Barboxitaine.
9.7
Qui ouvrira le monument trouvé,
Et ne viendra le serrer promptement.
Mal lui viendra & ne pourra prouvé,
Si mieux doit estre roy Breton ou Normand.
9.8
Puisnay Roy fait son pere mettre à mort,
Apres conflit de mort tres inhoneste :
Escrit trouvé soubson donra remort,
Quand loup chassé pose sus la couchette.
9.9
Quand lampe ardente de feu inextinguible
Sera trouvé au temple des Vestales,
Enfant trouvé feu, eau passant par trible :
Perir eau Nymes, Tholose cheoir les halles.
9.10
Moyne moynesse d’enfant mort exposé,
Mourir par ourse & ravy par verrier.
Par Fois & Pamyes le camp sera posé
Contre Tholose Carcas dresser forrier.
9.11
Le juste à tort à mort lon viendra mettre
Publiquement, & du millieu estaint :
Si grande peste en ce lieu viendra naistre,
Que les jugeans fouyr seront constraint.
9.12
Le tant d’argent de Diane & Mercure
Les simulachres au lac seront trouvez,
Le figulier cherchant argille neufve
Luy & les siens d’or seront abbrevez.
9.13
Les exilez autour de la Soulongne
Conduis de nuit pour marcher à Lauxois,
Deux de Modene truculent de Bologne,
Mys descouvers par feu de Burançoys.
9.14
Mys en planure chaulderons d’infecteurs,
Vin, miel & huyle, & bastis sur forneaulx
Seront plongez sans mal dit mal facteurs
Sept. fum extaint au canon des borneaux.
9.15
Pres de Parpan les rouges detenus,
Ceux du milieu parfondrez menez loing :
Trois mis en pieces & cinq mal soustenus,
Pour le Seigneur & Prelat de Bourgoing.
9.16
De castel Franco sortira l’assemblee,
L’ambassadeur non plaisant fera scisme :
Ceux de Ribiere seront en la meslée,
Et au grand goulphre desnier ont l’entrée.
9.17
Le tiers premier pys que ne feit Neron,
Vuidez vaillant que sang humain respandre :
R’edifier fera le forneron,
Siecle d’or, mort, nouveau roy grand esclandre.
9.18
Le lys Dauffois portera dans Nansy
Jusques en Flandres electeur de l’empire,
Neufve obturee au grand Montmorency,
Hors lieux provez delivre a clere peyre.
9.19
Dans le millieu de la forest Mayenne,
Sol au lyon la fouldre tombera,
Le grand bastard yssu du gran du Maine,
Ce jour fougeres pointe en sang entrera.
9.20
De nuict viendra par la forest de Reines,
Deux pars vaultorte Herne la pierre blanche,
Le moyne noir en gris dedans Varennes
Esleu cap. cause tempeste feu, sang tranche.
9.21
Au temple hault de Bloys sacre Solonne,
Nuict pont de Loyre, prelat, roy pernicant
Curseur victoire aux maretz de la lone
Dou prelature de blancs à bormeant.
9.22
Roy & sa court au lieu de langue halbe,
Dedans le temple vis à vis du palais
Dans le jardin Duc de Mantor & d’Albe,
Albe & Mantor poignard langue & palais.
9.23
Puisnay jouant au fresch dessouz la tonne,
Le hault du toict du milieu sur la teste,
Le pere roy au temple saint Solonne,
Sacrifiant sacrera fum de feste.
9.24
Sur le palais au rochier des fenestres
Seront ravis les deux petits royaux,
Passer aurelle Luthece Denis cloistres,
Nonain, mallods avaller verts noyaulx.
9.25
Passant les pontz venir pres des rosiers,
Tard arrivé plustost qu’il cuydera,
Viendront les noves espaignolz à Besiers,
Qui icelle chasse emprinse cassera.
9.26
Nice sortie sur nom des letres aspres,
La grande cappe fera present non sien,
Proche de vultry aux murs de vertes capres
Apres plombin le vent à bon essien.
9.27
De bois la garde vent cloz rond pont sera,
Hault le receu frappera le Daulphin,
Le vieux teccon bois unis passera,
Passant plus oultre du duc le droit confin.
9.28
Voille Symacle port Massiliolique,
Dans Venise port marcher aux Pannons :
Partir du goulfre & sinus Illirique,
Vast à Socile, Ligurs coups de canons.
9.29
Lors que celuy qu’à nul ne donne lieu,
Abandonner vouldra lieu prins non prins :
Feu nef par saignes, bitument à Charlieu,
Seront Quintin Balez reprins.
9.30
Au port de POULA et de saint Nicolas,
Perir Normande au goulfre Phanaticque,
Cap. de Bisance rues crier helas,
Secors de Gaddes & du grand Philipique.
9.31
Le tremblement de terre à Mortara,
Cassich saint George à demy perfondrez,
Paix assoupie, la guerre esveillera,
Dans temple à Pasques absysmes enfondrez.
9.32
De fin porphire profond collon trouvee
Dessoubz la laze escriptz capitolin :
Os poil retors Romain force prouvee,
Classe agiter au port de Methelin.
9.33
Hercule Roy de Romme & d’Annemarc,
De Gaule trois Guion surnommé,
Trembler l’Itale & l’unde de sainct Marc
Premier sur tous monarque renommé.
9.34
Le part soluz mary sera mittré,
Retour conflict passera sur le thuille :
Par cinq cens un trahyr sera tiltré,
Narbon & Saulce par coutaux avons d’huille.
9.35
Et Ferdinand blonde sera descorte,
Quitter la fleur suyvre le Macedon.
Au grand besoing defaillira sa routte,
Et marchera contre le Myrmidon.
9.36
Un grand Roy prins entre les mains d’un Joyne,
Non loing de Pasque confusion coup cultre :
Perpet. captifs temps que fouldre en la husne,
Lors que trois freres se blesseront & murtre.
9.37
Pont & molins en Decem
bre versez,
En si haut lieu montera la Garonne :
Murs, edifices, Tholose renversez,
Qu’on ne sçaura son lieu autant matronne.
9.38
L’entree de Blaye par Rochelle & l’Anglois,
Passera outre le grand Aemathien,
Non loing d’Agen attendra le Gaulois,
Secours Narbonne deceu par entretien.
9.39
En Arbissel à Veront & Carcari,
De nuict conduitz pour Savonne atrapper,
Le vifz Gascon Turbi, & la Scerry
Derrier mur vieux & neuf palais gripper.
9.40
Pres de Quintin dans la forest bourlis,
Dans l’abbaye seront Flamens ranches,
Les deux puisnais de coups my estourdis
Suitte oppressee & garde tous aches.
9.41
Le grand Chyren soy saisir d’Avignon,
De Romme letres en miel plein d’amertume
Letre ambassade partir de Chanignon,
Carpentras pris par duc noir rouge plume.
9.42
De Barsellonne, de Gennes & Venise,
De la Secille peste Monet unis,
Contre Barbare classe prendront la vise,
Barbar, poulse bien loing jusqu’à Thunis.
9.43
Proche à descendre l’armee Crucigere
Sera guettee par les Ismaëlites
De tous cottez batus par nef Raviere,
Prompt assaillis de dix galeres eslites.
9.44
Migres, migre de Genesve trestous
Saturne d’or en fer se changera,
Le contre RAYPOZ exterminera tous,
Avant l’a ruent le ciel signes fera.
9.45
Ne sera soul jamais de demander,
Grand Mendosus obtiendra son empire
Loing de la cour fera contremander,
Pymond, Picard, Paris, Tyron le pire.
9.46
Vuydez, fuyez de Tholose les rouges
Du sacrifice faire expiation,
Le chef du mal dessouz l’umbre des courges
Mort estrangler carne omination.
9.47
Les soulz signes d’indigne delivrance,
Et de la multe auront contre advis,
Change monarque mis en perille pence,
Serrez en caige se verront vis à vis.
9.48
La grand cité d’occean maritime,
Environee de maretz en cristal :
Dans le solstice hiemal & la prime,
Sera temptee de vent espouvantal.
9.49
Gand & Bruceles marcheront contre Envers
Senat de Londres mettront à mort leur roy
Le sel & vin luy seront à l’envers,
Pour eux avoir le regne en desarroy.
9.50
Mandosus tost viendra à son hault regne
Mettant arriere un peu de Norlaris :
Le rouge blaisme, le masle à l’interregne,
Le jeune crainte & frayeur Barbaris.
9.51
Contre les rouges sectes se banderont,
Feu, eau, fer, corde par paix se minera,
Au point mourir ceux qui machineront,
Fors un que monde sur tout ruynera.
9.52
La paix s’approche d’un costé, & la guerre
Oncques ne feut la poursuitte si grande,
Plaindre homme, femme, sang innocent par terre
Et ce sera de France à toute bande.
9.53
Le Neron jeune dans les trois cheminees
Fera de paiges vifz pour ardoir getter
Heureux qui loing sera de telz menees,
Trois de son sang le feront mort guetter.
9.54
Arrivera au port de Corsibonne,
Pres de Ravenne qui pillera la dame,
En mer profonde legat de la Vlisbonne
Souz roc cachez raviront septante ames.
9.55
L’horrible guerre qu’en l’occident s’apreste
L’an ensuivant viendra la pestilence,
Si fort horrible que jeune, vieulx, ne beste,
Sang, feu, Mercure, Mars, Jupiter en France.
9.56
Camp pres de Noudam passera Goussan ville
Et a Maiotes laissera son enseigne,
Convertira en instant plus de mille,
Cherchant les deux remettre en chaine & legne.
9.57
Au lieu de DRUX un Roy reposera
Et cherchera loy changeant d’Anatheme,
Pendant le ciel si tres fort tonnera,
Portee neufve Roy tuera soy mesme.
9.58
Au costé gauche a l’endroit de Vitry
Seront guettez les trois rouges de France,
Tous assoumez rouge, noir non murdry,
Par les Bretons remis en asseurance.
9.59
A la Ferté prendra la Vidame
Nicol tenu rouge qu’avoit produit la vie.
La grand Loyse naistra que fera clame.
Donnant Bourgongne à Bretons par envie.
9.60
Conflict Barbar en la Cornere noire.
Sang espandu trembler la d’Almatie,
Grand Ismaël mettra son promontoire
Ranes trembler secours Lusitanie.
9.61
La pille faite à la coste marine,
In cita nova & parentz amenez
Plusieurs de Malte par le fait de Messine,
Estroit serrez seront mal guerdonnez.
9.62
Au grand de Cheramon agora
Seront croisez par ranc tous attachez,
Le pertinax Oppi, & Mandragora,
Raugon d’Octobre le tiers seront laschez.
9.63
Plainctes & pleurs crys & grands urlemens
Pres de Narbon à Bayonne & en Foix
O quel horrible calamitz changemens,
Avant que Mars revolue quelques foys.
9.64
L’Aemathion passer montz Pyrennees,
En Mars Narbon ne fera resistance,
Par mer & terre fera si grand menee.
Cap. n’ayant terre seure pour demeurance.
9.65
Dedans le coing de luna viendra rendre,
Ou sera prins & mys en terre estrange,
Les fruitz immeurs seront à grand esclandre
Grand vitupere à l’un grande louange.
9.66
Paix, union sera & changement,
Estatz, offices bas hault, & hault bien bas,
Dresser voiage le fruict premier torment,
Guerre cesser, civil proces debatz.
9.67
Du hault des montz à l’entour de Lizer
Port à la roche Valen, cent assemblez
De chasteau neuf pierre late en donzere,
Contre le crest Romans foy assemblez.
9.68
Du mont Aymar sera noble obscurcie,
Le mal viendra au joinct de sonne & rosne
Dans bois caichez soldatz jour de Lucie,
Qui ne fut onc un si horrible throsne.
9.69
Sur le mont de Bailly & la Bresle
Seront caichez de Grenoble les fiers,
Oultre Lyon, Vien. eulx si grande gresle,
Languoult en terre n’en restera un tiers.
9.70
Harnois trenchant dans les flambeaux cachez
Dedans Lyon le jour du Sacrement
Ceux de Vienne seront trestout hachez
Par les cantons Latins Mascon ne ment.
9.71
Aux lieux sacrez animaux veu à trixe,
Avec celuy qui n’osera le jour :
A Carcassonne pour disgrace propice,
Sera posé pour plus ample sejour.
9.72
Encor seront les saincts temples pollus,
Et expillez par Senat Tholassain,
Saturn
e deux trois cicles revollus,
Dans Avril, May, gens de nouveau levain.
9.73
Dans Fois entrez Roy ceiulee Turbao,
Et regnera moins revolu Saturne
Roy Turban blanc Bizance cœur ban
Sol Mars, Mercure pres la hurne.
9.74
Dans la cité de Fertsod homicide,
Fait & fait multe beuf arant ne macter,
Retour encores aux honneurs d’Artemide,
Et à Vulcan corps morts sepulturer.
9.75
De l’Ambraxie & du pays de Thrace,
Peuple par mer mal & secours Gaulois,
Perpetuelle en Provence la trace,
Avec vestiges de leur coustume & loix.
9.76
Avec le noir Rapax & sanguinaire
Yssue du peaultre de l’inhumain Neron,
Emmy deux fleuves main gauche militaire,
Sera murtry par Joyne chaulveron.
9.77
Le regne prins le Roy conviera,
La dame prinse à mort jurez à sort,
La vie à Royne fils on desniera,
Et la pellix au fort de la consort.
9.78
La dame Greque de beauté laydique,
Heureuse faicte de procs innumerable,
Hors translatee au regne Hispanique,
Captive prinse mourir mort miserable.
9.79
Le chef de classe par fraude stratageme,
Fera timides sortir de leurs galleres,
Sortis murtris chef renieur de cresme,
Puis par l’embusche luy rendront les saleres.
9.80
Le Duc voudra les siens exterminer,
Envoyera les plus forts lieux estranges,
Par tyrannie Pize & Luc ruiner,
Puis les Barbares sans vin feront vendanges.
9.81
Le Roy rusé entendra ses embusches
De trois quartiers ennemis assaillir,
Un nombre estrange larmes de coqueluches
Viendra Lemprin du traducteur faillir.
